Kryeministri izraelit Benjamin Netanyahu vizitoi sot trupat në Rripin verior të Gazës në mes të një armëpushimi katërditor me Hamasin, një marrëveshje e arritur për herë të parë që nga fillimi i luftës.
“Ne po bëjmë çdo përpjekje për t’i kthyer pengjet tona dhe përfundimisht do t’i kthejmë të gjithë,” thotë Netanyahu në një video të publikuar nga zyra e tij.
“ Ne kemi tre synime për këtë luftë : eliminimin e Hamasit, kthimin e të gjithë pengjeve tona dhe sigurimin që Gaza të mos bëhet më një kërcënim për shtetin e Izraelit”, theksoi ai, duke shtuar: “Ne do të vazhdojmë deri në fund. deri në fitore. Asgjë nuk do të na ndalojë dhe jemi të bindur se kemi fuqinë, forcën, vullnetin dhe vendosmërinë për të arritur të gjitha objektivat e luftës dhe do ta bëjmë”.
Sipas zyrës së kryeministrit izraelit, Netanyahu vizitoi një nga tunelet e Hamasit të zbuluar nga trupat izraelite.
Ai shoqërohej nga shefi i tij i shtabit, Tzachi Braverman, këshilltari për sigurinë kombëtare Tzachi Hanegbi, sekretari i tij ushtarak dhe gjeneral-lejtant Avi Gil dhe zëvendës shefi i shtabit të ushtrisë izraelite, gjeneral-lejtant Amir Baram.
