Milan Skriniar po luan sezonin e tij të parë te PSG, pas përvojës së gjatë te Interi. Ai ka dhënë një intervistë për kanalin zyrtar të klubit, ku foli edhe për të kaluarën te zikaltërit.
“Si jam? Ndihem shumë mirë. Më në fund jam aty ku doja të jem, kam punuar shumë për këtë. Marotta thotë atë që thotë (për mosrinovimin), nuk dua të krijoj probleme dhe polemika. Unë e di si shkoi, edhe agjenti im e di gjithashtu. Nuk është koha për të folur, nuk dua të krijoj telashe”.
Ndryshimet mes futbollit italian dhe atij francez: “Në Ligue 1 ka shumë lojtarë të fortë, të shpejtë, fizikë. Në Serie A ka më shumë futboll taktik, ndërsa këtu ka më shumë duele një kundër një me lojtarë të fortë. Pra, kjo ligë nuk është e lehtë për t’u përballuar”.
Marquinhos- “Ai gjithashtu flet italisht, kështu që u kuptuam menjëherë. Shkojmë shumë mirë, për mua është një nga qendërmbrojtësit më të mirë në botë. E mendoja këtë para se të mbërrja këtu”.
Trajneri Luis Enrique: “Ne duam të kemi topin dhe të kontrollojmë lojën. Është stili ideal i lojës, sepse kur ke posedimin e topit, kundërshtari yt duhet të vrapojë pa top në përpjekje për ta rifituar atë dhe lodhet” – tha ai.
