Detaje të reja kanë dalë në dritë nga shpërthimi me granatë që ndodhi mbrëmjen e së mërkurës në rrugën “Fahri Fazliu” në Prishtinë.
Ditën e sotme dy shtetasë kanë deklaruar në polici se si pasojë e këtij shpërthimi janë dëmtuar pronat e tyre dhe një makinë.
Deri më tani ende nuk dihen shkaqet dhe rrethanat e ngjarjes, ndërsa pak më herët autoritetet vendase njoftuan se është arrestuar një person dhe janë shpallur në kërkim dy të tjerë, që dyshohet se janë implikuar në rastin në fjalë.
“Njësite policore pasi kanë marrë informacion për një shpërthim, kanë dalë në vendin e ngjarjes, dhe kanë takuar dy ankuese kosovare, të cilat kanë deklaruar se si pasojë e shpërthimit në afërsi të shtëpive të tyre u janë shkaktuar dëme materiale në pronat e tyre dhe në një makinë.
Në vendin e ngjarjes kanë dalë edhe njësitet e PK-së për deminim, ku dyshohet se mjeti shpërthyes ka qenë garantë dore, i cili ka shpërthyer në rrethana (ende) të panjohura.
Lidhur me rastin është informuar edhe prokurori, ndërsa njësite policore janë duke hetuar rastin”, thuhet në raportin ditor të PK-së.
