Një aksident ka ndodhur këtë të mërkurë në kryeqytet, te “Rruga e Elbasanit”.
Nga pamjet e sjella nga vendngjarja nga Boldnews, shihet se në aksident janë përfshirë një automjet tip “Mazda” dhe një motoçikletë.
Shihet se dëmet materiale në dy mjetet, kryesisht te dyrrotaku, janë të konsiderueshme.
Burime policore nga vendngjarja thanë se drejtuesi i motoçikletës me iniciale S.G. ka mbetur i lënduar nga përplasja dhe është transportuar në spital për të marrë ndihmë mjekësore.
Ndërkohë, drejtuesi i automjetit me iniciale Z.Z. është shoqëruar nga uniformat blu, që kanë nisur një hetim për rastin.
