Policia e Tiranës ka arrestuar një 42-vjeçar, i cili ka tentuar t’i marrë 200 mijë euro një biznesmeni përmes mashtrimit, duke iu prezantuar si zyrtar i lartë.
Në kuadër të operacionit policor të koduar “Replay 2” është vënë në pranga shtetasi Arjan Ballcaj, 42 vjeç, banues në Kamëz.
“Ky shtetas ka tentuar të mashtrojë një shtetas (biznesmen), për të përfituar shumën 200 000 euro, duke u prezantuar si zyrtar i lartë. Në cilësinë e provës materiale u sekuestrua 1 automjet dhe 1 celular.” – thuhet në njoftimin e bluve të kryeqytetit.
Policia njofton se po punohet për identifikimin dhe kapjen e personave të tjerë të implikuar në këtë veprimtari kriminale. Materialet procedurale i kaluan Prokurorisë së Tiranës për veprime të mëtejshme.
