Pesë persona janë plagosur në një aksident të ndodhur këtë të mërkurë në rrugën Fier-Vlorë. Të plagosurit ndodhen jashtë rrezikut për jetën, thanë burime nga Spitali i Fierit.
Rreth orës 14:55, në aksin rrugor Fier-Vlorë, në hyrje të Levanit, është përplasur mjeti tip “Nisan” me drejtues R.C, dhe mjeti tip “Opel” me drejtues R.N., njoftoi Policia.
Si pasojë e përplasjes janë dëmtuar pasagjerët e të dyja mjeteve:
-F.N,63 vjeçe, banuese në Vlorë.
-N.K, 69 vjeç, banues në Vlorë.
-S.M, 19 vjeçe, banuese në Tiranë.
-Dh.N, 30 vjeç, banues në Sarandë.
-E.F, 28 vjeçe, banuese në Berat.
Të gjithë të dëmtuarit ndodhen në Spitalin Rajonal Fier nën kujdesin e mjekëve. Grupi hetimor po punon për zbardhjen e plotë të ngjarjes.
