Florent Hasani ishte i ‘ikur’ nga Tirana në verën e fundit. Sulmuesi ishte shumë pranë kalimit në Turqi, por në ditët e fundit të merkatos gjithçka ndryshoi dhe lojtari mbeti në kryeqytetin shqiptar.
Sulmuesi kosovar pritet të largohet në merkaton e janarit dhe Tirana ‘fërkon’ duart jo sepse do të humbasin një sulmues të kalibrit të lartë por për shkak të ardhurave që ky transferim do të sjellë.
Të interesuarit janë nga Kroacia e Turqia deri në Arabinë e Largët dhe Azerbajxhani. Hasani ka edhe 1 vit e gjysëm kontratë me bardheblutë dhe kjo i jep avantazhin klubit që mund të negociojë lehtësisht për një ofertë më të lartë.
Shuma e cila qarkullon si më e ulëta në tryezën bardheblu është 500 mijë euro dhe Tirana s’ka ndërmend të shkojë më poshtë se kaq.
Largimi i Hasanit do të mbushte arkën e klubit, por do të ‘zbraste’ atë të golave me 26-vjeçarin që ka shënuar 27 gola e 11 asiste në 58 ndeshje si bardheblu duke fituar edhe Superkupën e Shqipërisë.
