Që prej 29 prillit, qendërmbrojtësi i Romës dhe Kombëtares sonë, Marash Kumbulla ka mbetur jashtë fushave të blerta, pas një dëmtimi të pësuar në përballjen e vlefshme për kampionatin italian të futbollit, ndaj Milan.
Mirëpo, sipas raportimeve më të fundit të mediave italiane, duket se gjithçka po shkon drejt fundit dhe se shumë shpejt, 23-vjeçari i mbrojtjes do të kthehet në fushën e blertë, duke u kthyer kështu në një tjetër opsion, për teknikun Jose Mourinho, prapavijë e së cilit, jo në pak raste ka “futur ujë”.
Megjithatë, rikthimi te Roma si një titullar nuk është objektivi i vetëm i “legjionarit”, pasi Kumbulla do të përpiqet të bindë tekniku Sylvinho për aftësitë e tij, në fushën e blertë, për të fituar kështu një vend, në fazën përgatitore të Evropianit, në muajin mars e pse jo një vend me të grumbulluarve, për fazën e grupeve të turneut më prestigjioz për Kombëtaret e futbollit, në Evropë.
