Policia ka rrethuar Memorialin e Çamëve në Xarrë të Konispolit, aty ku mbrëmjen e djeshme u gjetën mbetje kockore humane, pranë xhamisë.
Mësohet se në vendin e ngjarjes ndodhen ekspertët e kriminalistikës, mjeku i ekspertizës-ligjore të Sarandës, Aranit Taka, drejtues të Policisë së Sarandës dhe Vlorës si dhe efektivë të komisariatit të Sarandës dhe postës policore të Konispolit.
Mësohet se pjesa e gjetur është koka e një njeriu, e cila ka ende inde të buta dhe mendohet se ngjarja është e muajve të fundit. Ka qenë një informacion i marrë nga Policia ajo që bëri të mundur zbulimin e kokës së groposur. Mbetjet kockore janë dërguar në Institutin e Policisë Shkencore, për ekzaminime të mëtejshme.
Burime bëjnë me dije se uniformat blu po vijojnë kërkimet në zonë, me shpresën se do të gjejnë dhe pjesën tjetër të trupit.
Burime për mediat bëjnë me dije se dyshimet kryesore janë se koka e gjetur gjysmë e dekompozuar mund t’i përkasë Fatmir Sulovarit alias Krasniqi apo Leonard Thodhorit i njohur si “Koçole”, që rezultojnë të zhdukur prej 6 prillit 2023.
Koka e gjetur në Sarandë dyshohet se i përket “Koçoles” ose shokut të tij, hetimet
“Kokat e prera” në zonën e Konispolit/ Historia e frikshme që përsëritet, 3 krimet misterioze
