Edukatorja Majlinda Dehima është rimarrë sërish në pyetje nga Policia, pas arrestimit ditën e djeshme me urdhër të Prokurorisë, ku akuzohet për kryerjen e veprës penale “Keqtrajtim i të miturit”, për shkak të dhunës së ushtruar ndaj një vajze 3-vjeçare në kopshtin “Stinët” në kryeqytet, duke i thyer këmbën.
Burime bëjnë me dije se ajo ka mbajtur të njëjtin qëndrim si në dëshminë e parë, duke pretenduar se e mitura e ka thyer vetë këmbën në hapësirën e krevatit, dhe se ajo nuk e ka prekur. Gjithsesi, pamjet tregojnë tjetër gjë.
Burime bëjnë me dije se prokuroria e Tiranës pritet të bëj një tjetër ekspertim të pamjeve filmike dhe në vijim edhe ballafaqim të Dehimës me provat që do të dalin gjatë hetimeve.
Vlen të theksohet fakti se ajo u arrestuar ditën e djeshme, pas dorëzimit në Prokurori të akt-ekspertizës mjeko-ligjore, ndërkohë që ngjarja ka ndodhur që më 1 Nëntor.
Rasti i dhunës në kopshtin “Stinët” në zonën e “Ali Demit” në kryeqytet u zbulua në emision “Stop” dhe solli jo vetëm indinjatën e opinionit publik, por zbuloi një zinxhir paligjshmërie. Pas denoncimit, kopshti rezultoi i palicensuar, i cili u mbyll më pas me vendim të Ministrisë së Arsimit. Po ashtu, zyrtarë dhe punonjës të Komisariatit nr.1 në Policinë e Tiranës, pranuan se kanë neglizhuar hetimet për dhunën ndaj vajzës 3-vjeçares.
Policia ka nisur një hetim me krimin ekonomik edhe për çiftin e pronarëve të kopshtit “Stinët”, Dritan e Entela Danushi, ku i pari është proceduar penalisht për veprat penale “ushtrim pa licensim të veprimtarisë”, “fshehje financiare” dhe “mospagim i taksave dhe tatimeve”. Edhe pse pa licensë, kopshti “Stinët” ka lulëzuar përballë autoriteteve që kanë “mbyllur sytë”.
Si u tentua të mbulohej dhunimi i 3-vjeçares, vonesat dhe paligjshmëritë e institucioneve
