Siçilia është në emergjencë mjedisore për shkak të mbetjeve në mungesë të një impianti që të ndajë dhe t’i përpunojë.
E gjithë Italia prodhon 30 milion ton mbetje në vit, dhe sipas ligjit në fuqi, në vitin 2012 duhet të ishte arritur objektivin e grumbullimit prej 65% dhe pse sot është ende në masën 52.5%.
Por anëtari Partisë Demokratike në Këshillin Bashkiak të Tiranës, Akil Kraja, paralajmëron se kriza e mbetjeve në Itali do të thotë lajme të këqija për Shqipërinë.
Sipas tij Italia po kërkon me urgjencë ligjin e eksportit të mbetjeve. Kraja thotë se Shqipëria është në rrezik ndërsa paralajmëron sjelljen e fakteve të reja.
Në mbledhjen e sotme të Komisionit të Veprimarive Prodhuese, Partia Demokratike dhe LSI janë bërë bashkë duke kundërshtuar projektligjin për mbetjet.
Opozita ka kërkuar referendum për mbetjet dhe akuzon qeverinë Rama se ka falimentuar industrinë e riciklimit për t’i hapur rrugë aferës së inceneratorëve, që sipas PD-së, janë planifikuar të ndërtohen për një kapacitet më të madh të djegies së mbetjeve se sasia që disponon Shqipëria.
