Policia e kryeqytetit ka arritur të ndalojë nënën katile që arriti të braktisë foshnjën e sapolindur në një bodrum në zonën e Yzberishtit në Tiranë.
Sipas informacioneve paraprake bëhet me dije se në pranga ka rënë shtetasja me iniciale E.I, (29 vjeç) me origjinë nga Pogradeci por banon në rrugën “3 Dëshmorët në Tiranë”. Aktualisht ajo është duke u marrë në pyetje nga policia.
Foshnja që u gjet e braktisur mëngjesin e sotëm në bodrumin e një pallati në zonën e Yzberisht në Tiranë, ndohet në gjendje të rëndë për jetën. Burime për mediat bëjnë me dije se foshnja ndodhet në intubim, teksa nuk kishte shumë kohë që kishte lindur.
Po të njëjtat burime bëjnë me dije se dyshohet se lindja e foshnjës ka ndodhur pikërisht në divanin e vjetër që ishte në bodrum.
Burime bëjnë me dije se kamerat e kanë filmuar gruan vetëm jashtë bodrumit të pallatit, pasi brenda garazhit nuk ka kamera. Mësohet se ka qenë një banor i pallatit, ai që fillimisht konstatoi të qarat e foshnjes e më pas lajmëroi uniformat blu.
