Një minator 57-vjeçar është plagosur këtë të mërkurë në një nga galeritë e Bulqizës, teksa ishte duke punuar.
Policia bën të ditur se 57 vjeçari është dërguar në spital për ndihmë mjekësore.
“Janë referuar materialet në Prokurori për vlerësim, pasi shtetasi A.T., 57 vjeç, banues në Bulqizë, duke punuar në një subjekt minerar, aksidentalisht ka dëmtuar dorën. Pas marrjes së ndihmës mjekësore, 57-vjeçari, është larguar për në banesë”,- njofton Policia.
Dëmtime të tilla janë thuajse të përditshme në galeritë e kromit në Bulqizë, por nuk kanë munguar as rastet me humbje jete njerëzore.
