Kukësi dhe Dinamo kanë ndarë pikët në ndeshjen e javës së 12 të Kategorisë Superiore, duke mos ndryshuar shumë gjëra në pozitat e tyre në klasifikimin e kampionatit.
Pavarësisht rezultatit 0-0 si skuadra e Stavri Nicës, por edhe ajo e Dritan Mehmetit u hodhën në sulm gjatë gjithë kohës për të gjetur golin e avantazhit, por Tafas e Sali ishin në një formë të shkëlqyer, duke ndalur çdo ofensivë sulmuese të kundërshtarëve.
Falë këtij rezultatit, Kukësi vijon të qëndrojë në vendin e 4-t të tabelës, kësaj radhe me 14 pikë, po aq sa Laçi i vendit të 5-të, ndërsa “blutë” e Dinamos mbeten në vendin e 9-të të renditjes me 12 pikë.
