Stuhia me rrebeshe shiu dhe erë të fortë, që pushtoi vendin ditën e sotme, ka bërë që 13 fshatra në Maliq të jenë pa energji elektrike.
Lajmi është bërë me dije nga administratori i kësaj njësie Nazmi Qose, kur tha se e gjithë kjo situatë është krijuar për shkak të reshjeve të shumta shoqëruara me erë të fortë dhe stuhi.
Fshatrat e njësise administrative Gorë sipas administratorit kanë një shtrirje të madhe dhe ajo që është më shqetësuese, rrjeti është shumë i amortizuar dhe shtrihet në zona të thella malore.
Për këtë arsye gjithmonë kur ka reshje shiu me erë të fortë, pjesa më e madhe e këtyre fshatrave ngelen pa energji elektrike
