“Rama e ka kthyer parlamentin në një kotec ku mblidhen për të mbledhur vezët” Kështu u shpreh deputeti i PD-së Ervin Salianji pas seancës së sotme plenare.
Në një prononcim për mediat, Salianji u shpreh se mazhoranca mendon vetëm se si do ta kalojë buxhetin tek oligarkët dhe se nuk respekton asnjë normë. Në lidhje me përmbysjen e karrigeve të mazhorancës, deputeti demokrat u shpreh se është një protesta për të treguar se ky parlament nuk ka normalitet.
Salianji: PS dhe Edi Rama e kthyer parlamentin në një kotec ku mblidhen për të mbledhur vezët. I kanë duart të pista me korrupsion. Ne ditën që miraton buxhetin mendojnë si do i kalojë tek oligarkët. E pat si nxiton qeveria duke mos zhvilluar asnjë normë.
PS kishte vendos që të linte gardën në çdo karrige ministri dhe deputeti. Vendosëm që karriget të shkonin aty ku duhet. Karriget janë të popullit, prapanicat janë të deputetëve. U detyruan të demaskoheshin të qëndronin në këmbë. Do të përshkallëzojmë çdo aksion tjetër. Është një protesta për të treguar se ky parlament nuk ka normalitet. Çfarë e kanë pronë të veten e ka PS, Kuvendin. Jemi në kushtet një regjimi. Ne kërkojmë komisione hetimore, të kontrollojmë se ku shkojnë paratë e qytetarëve, për çarterin e Edi Ramës, tek oligarkët apo tek qytetarët.
Kërkojmë që këto para të paguara nga qytetarët të shkojnë për rritje pensionesh, për të ulur taksat. Profesionet e lira do goditen si asnjë herë më parë. Ne kërkojmë që në komisionet e reformës zgjedhore të jetë përfaqësuesi i popullit jo Edi Rama
