Deputeti i PD-së, Lefter Gështenja ka folur lidhur me aksionin opozitar në Syri Tv.
Gështenja theksoi se qëllimi i deputetëve të opozitës është që të mos lejojnë më asnjë seancë që të zhvillohet normalisht, pa u respektuar nga ana e mazhorancës.
Sipas Gështenjës, ‘komisionet hetimore nuk lejohen, pasi është fakt që komisioni hetimor i vetëm që është lënë për inceneratorët dhe ky komision ua nxori lakrat në shesh kësaj mazhorance dhe i la gjurmë’.
“Qëllimi jonë nga seanca e kaluar dhe sancave në vijim ne nuk do të lejojmë realizimin e seancave normale. Nuk po tregojmë forcën por për sa kohë që mazhoranca nuk na respekton dhe nuk na lejon të ngrejmë komisione hetimore, që është një e drejtë kushtetuese, nuk kemi rrugë tjetër.
Komisionet hetimore nuk lejohen, pasi është fakt që komisioni hetimor i vetëm që është lënë për inceneratorët dhe ky komision ua nxori lakrat në shesh kësaj mazhorance dhe i la gjurmë.
Kemi zv/ kryeministrin në arrati, ministrin në burg, deputetë në burg, kemi gjithë zinxhirin përfitues në kërkim. Pra nëse ngrihet një komision hetimor nuk ka SPAK apo gjykatës ti mbulojë pastaj, do jenë gjërat sheshit”, deklaroi ai.
