Dinamo dhe Skënderbeu po dhurojnë spektakël në sfidën e vlefshme për javën e 11-të të Kategorisë Superiore teksa në 28 minutat e para janë realizuar plot 3 gola.
Kryeqytetasit morën fillimisht avantazhin në minutën e 8-të falë golit të Luis Kacorrit. Marku harkon në zonë, Kaçorri gjuan me kokë drejt portës duke mposhtur portierin Alia.
Kundërpërgjigja e korçarëve ishte e shpejtë teksa barazuan rezultatin 10 minuta më pas me anë të sulmuesit Ardit Nikaj.
Merlim i jep asist sulmuesit shkodran, ky i fundit shfrytëzon mundësinë e artë duke e dërguar topin në cepin e portës.
Por Dinamo ka arritur të kalojë përsëri në avantazh në minutën e 28’ me anë të Lorenco Vilës.
Aksion i rrjedhshëm i bluve të cilët nxjerrin Vilën në të majtën. Durrsaku nuk gabon me diagonalen e tij duke mposhtur portierin Alia në shtyllën e largët.
