Sali Berisha ka ankimuar vendimin e Gjykatës Kundër Korrupsionit dhe Krimit të Organizuar që ka caktuar masën e sigurisë “detyrim paraqitje” për ish-kryeministrin referuar hetimeve për dosjen e privatizimit të ish-kompleks Partizanit.
Në një prononcim për media, Gjokutaj tha se vendimi është nul dhe është pasojë e moskonsiderimit të provave dhe rrethanave siç e kërkon ligji.
“Të dyja vendimet janë pasojë e moskonsiderimit të provave dhe rrethanave ashtu siç ligji e kërkon. Nuk dhe nuk kanë efekt”, tha avokati i Berishës.
Pyetjes nëse Berisha do të paraqitet në Gjykatë më 6 nëntor, Gjokutaj tha: “Nuk e di, data sot është 30 tetor.”
Nga ana e tij, Berisha nuk ka pranuar që të paraqitet për t’u marrë në pyetje në seancë në GJKKO, madje nuk ka pranuar as të përfaqësohet në gjyq, ndërkohë që i kanë caktuar avokat nga shteti.
Kujtojmë se dhëndri i Berishës, Jamarbër Malltezi ndodhet pas hekurave për këtë çështje.
