Ish-zëvendëspresidenti amerikan, Mike Pence është tërhequr nga gara presidenciale e vitit 2024. Ai e bëri njoftimin në Koalicionin Republikan Hebre në Las Vegas të shtunën pasdite.
“Ne gjithmonë e dinim se kjo do të ishte një betejë e vështirë, por nuk jam penduar,” u shpreh ai sipas Associated Press.
Pence nuk kishte arritur rezultatet e pritura me votuesit republikanë në garën për nominimin e cila udhëhiqet nga ish-presidenti Donald Trump.
64-vjeçari humbi mbështetjen e shumë votuesve republikanë kur u nda publikisht me Trump lidhur me trazirat e 6 janarit në Kapitol në 2021, dhe kur ai kryesoi certifikimin e rezultateve zgjedhore të Joe Biden në 2020 në Kongres.
