Arrestohet me qëllim ekstradimi 22-vjeçari Daniel Gjoni i kërkuar nga drejtësia italiane, i cili jetonte në Laç.
22-vjeçari akuzohet për veprat penale “Rrëmbim personi” dhe “Vjedhja me dhunë”, kryer në mënyrë të përsëritur.
Ky person në muajin gusht të vitit 2023, në Cassano d’Adda dhe Vaprio d’Adda, në bashkëpunim me shtetas të tjerë, u kanë vjedhur shuma parash disa adoleshentëve duke përdorur dhunë ndaj tyre, njoftoi policia.
Gjithashtu, kanë rrëmbyer një shtetas dhe kanë kërkuar një shumë të madhe eurosh, në këmbim të lirimit të tij, shtuan të njëjtat burime.
