Ish-kryeministri i Britanisë së Madhe, Boris Johnson, u punësua në GB News, një transmetues i krahut të djathtë dhe do të prezantohet para audiencës në vitin e ardhshëm, njoftoi sot televizioni.
Johnson do të krijojë dhe prezantojë serinë e re “e cila do të shfaqë fuqinë e Britanisë në mbarë botën”, sipas GB News.
Transmetuesi tashmë punëson ish politikanin dhe aktivistin e Brexit Nigel Farage dhe një numër deputetësh konservatorë, duke përfshirë Lee Anderson dhe Jacob Rees-Mogg.
Përveç prodhimit të dokumentarëve, raportohet se Johnson herë pas here do të presë shfaqje të drejtpërdrejta para audiencës.
