Policia e Tiranës ka arrestuar një 16-vjeçar dhe ka nisur procedimin për një bashkëmoshatar të tij, pasi gjatë një konflikti ditën e djeshme e ka plagosur me thikë.
I mituri ndodhet në spital në kujdesin e mjekëve.
“Specialistët për Hetimin e Krimeve të Komisariatit të Policisë Nr. 3 arrestuan një shtetas 16 vjeç, si dhe nisi procedimi penal për një bashkëmoshatar të tij, pasi ditën e djeshme, janë konfliktuar fizikisht dhe me mjete të mprehta me njëri-tjetrin. Si pasojë, është dëmtuar njëri prej tyre, i cili ndodhet në spital, në kujdesin e mjekëve”, bëri me dije policia.
