Avokati i ish-kryeministrit Sali Berisha, Genc Gjokutaj ka folur për akuzat e ngritura nga SPAK ndaj ish-kryeministrit për privatizimin e ish-kompleksit sportiv “Partizani”.
I ftuar në emisionin “Opinion” në Tv Klan, Gjokutaj thotë se marrja e masave të sigurisë ndaj Berishës është në shkelje të Kushtetutës pasi nuk është marrë autorizimi nga Kuvendi. Gjokutaj tha se Berisha nuk mund të shoqërohet forcërisht nga policia, pasi nuk është marrë në pyetje.
“Berisha nuk thotë merrni masë tjetër, problemi është se SPAK në marrjen në dy masa shtrënguese dhe për mua është e kundërligjshme që të merren dy masa. Berisha është vënë në dijeni dhe i qëndron kësaj. Është një proces i parregullt ligjor. Ai nuk mund të shoqërohet forcërosht se nuk është thirrur për t’u pyetur. Sot është bërë kallzim penal për gjyqtaren Irena Gjoka për shpërdorim detyre. SPAK duhet t’i drejtohet Kuvendit. Berisha nuk ka akuza është person nën hetim për korrupsion pasiv. Ka defekte madhore këtu, Malltezi është marrë në cilësinë e zyrtarit të lartë. Thotë pastrim parash, kjo vepër penale cila është, duhet provuar. Për Berishën thotë se ka përshtatur ligjet sipas interesit të Malltezit”, tha Gjokutaj.
