Pavarësisht pandemisë dhe dy recesioneve të mëdha, numri i makinave në planetin tonë po rritet në mënyrë të pandalshme. A mund ta merrni me mend se sa makina lëvizin aktualisht në rrugët e Tokës?
Edhe 14 vjet më parë flitej për miliona dhe sot ky numër është rritur në mënyrë drastike. Një pjesë e arsyes shkon për domosdoshmëria gjithnjë në rritje, por ndoshta nxitjen më të madhe për rritjen e makinave e ka dhënë tregu kinez. Nëse numërojmë të gjitha makinat që ecin aktualisht në glob, të vjetra dhe të reja, do të arrijmë në 1.47 miliardë kopje të pabesueshme.
Ky vlerësim bazohet në të dhënat e Hedges & Company, dhe na zbulon gjithashtu se si këto makina janë të shpërndara nëpër kontinente dhe madje edhe në vetë vendet, shkruan The Drive.
Nëse mendonit se Amerika e Veriut është ende lider me më shumë makina, e keni gabim. Vendi i parë i shkon Kinës me 415 milionë makina të regjistruara në vitin 2022 dhe pikërisht falë Kinës, fituese ndër kontinente është Azia me 543 milionë makina në total. Pas Azisë vjen Europa me 413 milionë makina. Më pas është radha e Amerikës së Veriut me 358 milionë makina, prej të cilave 78% i përkasin SHBA-së.
Numri i makinave:
Azia: 543 milionë
Europa: 413 milionë
Amerika e Veriut: 358 milionë
Amerika e Jugut: 84 milionë
Lindja e Mesme: 50 milionë
Afrika: 26 milionë
Antarktida: Rreth 50
