Të martën në Austri temperaturat kanë shkuar deri në 30.3 gradë celsius, që është dita më e ngrohtë në tetor në 257 vitet e mbledhjes së të dhënave.
Sipas Institutit Federal për Gjeologji, Gjeofizikë, Klimatologji dhe Meteorologji, rekordet e reja të tetorit u arritën të hënën dhe të martën në 87 stacione matëse në të gjithë vendin.
Sipas “GeoSphere Austria”, rekordet e mëparshme provinciale u vendosën në Austrinë e Epërme dhe Salzburg, me 28.6 gradë celsius në Ëeyer dhe 28.3 gradë celsius në Salzburg-Freisaal, përcjell albinfo.ch.
Edhe muajin e kaluar, autoriteti zbuloi se ishte shtatori më i ngrohtë në historinë e të dhënave. Sipas të dhënave, mesatarja mujore ishte 3.2 gradë celsius më e ngrohtë se mesatarja nga viti 1991 deri në vitin 2020.
Në fillim të shtatorit, shërbimi i BE-së për ndryshimet klimatike Copernicus raportoi se kjo verë ishte më e ngrohta në botë që nga fillimi i mbledhjes së të dhënave në vitin 1940.
