Sot në mbrëmje një akt terrorist ka ndodhur në Bruksel, ku një person i armatosur ka lënë të vdekur disa tifozë suedezë të cilët kishin ardhur për të parë ndeshjen mes Belgjikës dhe Suedisë, e vlefshme për kualifikueset e Euro 2024.
Pasi morën vesh lajmin tragjik, lojtarët suedezë kërkuan të mos dilnin në fushë për pjesën e dytë dhe pas një dialogu të gjatë me përfaqësuesit e UEFA-s, federatave përkatëse dhe autoritetet vendase, ndeshja u ndërpre me rezultatin 1-1.
Ndërkohë, më shumë se 30 mijë personave që gjendeshin në stadium, u është kërkuar që të qëndrojnë në impiant në pritje të udhëzimeve nga policia, e cila kërkon të shmangë probleme të tjera për sa kohë që ka një person të armatosur në qytet i cili raportohet se do të vazhdojë të sulmojë shtetasit suedezë.
