Bayern Munchen do të përforcohet në merkaton e janarit. Një nga objektivat e kampionëve të Gjermanisë është Kalvin Phillips, mesfushori “shkatërrues” i Manchester Cityt dhe kombëtares angleze.
27-vjeçari u transferua gjatë verës së vitit të kaluar nga Leeds te City për 50 mln euro, por nuk po ia arrin të përfitojë minuta tek ekipi i Pep Guardiolës.
Teksa numëron vetëm 167 minuta aktivizim në këtë sezon. Shtypi britanik shkruan se Phillips është një kërkesë e Thomas Tuchel.
Trajneri u ka kërkuar drejtuesve të Bayernit të investojnë tek “luftëtari” anglez, të cilin e njeh mirë që kur drejtonte Chelsean në Premier League.
Phillips është një “xhol”, pasi mund të aktivizohet edhe si qendërmbrojtës në raste të nevojshme.
