Një turist gjerman ka humbur jetën këtë të enjte në Gjirokastër. Viktimë ka mbetur shtetasi me iniciale Ch.K i cili është dërguar pa shenja jete në Urgjencën e Spitalit Rajonal Gjirokastër.
Dyshohet se 51-vjeçari ka pësuar arrest kardiak.
“Në orët e para të mëngjesit të sotëm, në Urgjencën e Spitalit Rajonal Gjirokastër është dërguar pa shenja jete, shtetasi Ch. K., 51 vjeç, banues në Gjermani. Nga verifikimet e para dyshohet se ky shtetas ka humbur jetën për shkak të arrestit kardiak”,- njofton Policia.
Grupi hetimor vijon punën për përcaktimin e rrethanave të këtij rasti.
