Personi që shihni në foton e mësipërme është autori i grabitjes nën kërcënimin e armës të një biznesi mbrëmjen e kësaj të marte, rreth orës 20:35, në rrugën “Myslym Shyri”, Tiranë.
Burime bëjnë me dije se pre e grabitjes ka rënë dyqani i kompanisë telefonike “Vodafone” që ndodhet në këtë rrugë të kryeqytetit. Autori ka kërcënuar me armë zjarri punonjësit e dyqanit, ka marrë një shumë lekësh dhe ka ikur në drejtim të paditur.
Siç shihet dhe në foton e mësipërme, ai ka qenë i veshur me xhinse blu, një bluzë të kuqe dhe një kapele të zezë.
Policia po punon për identifikimin dhe kapjen e tij.
