Gazetari Basir Çollaku, i ftuar në SYRI TV, ka folur në lidhje me vetingun në drejtësi.
Çollaku është shprehur se, kompania që ka mbikëqyrur procesin e vetingut është një kompani austriake e cila merret me tendera kanalizimesh dhe uji në Azi dhe Afrikë.
“Vetingun e ka bërë një kompani austriake që merret me kanalizime, ujësjellësa në Azi, Afrikë. Agjencia Austriake për Zhvillim. Tendera uji. Agjencia Austriake për Zhvillim 430 mln euro tendera ka marrë në Shqipëri. Ajo punon në Mozambik, Burkina Faso. Kompania që ka organizuar Operacionin Ndërkombëtar të Monitorimit, ONM e famshme, për të mbikëqyrur reformën në drejtësi, merret me ujësjellësa e kanalizime në vendet e botës së tretë.
Edhe në Shqipëri ka marrë tender për ujin, 8 mln euro dhe ju thoni vettingu. Këta ndërkombëtarët duhen futur në burg të gjithë. Kompania e vettingut tani kërkon menaxher për menaxhimin e integruar të ujit. Anëtarët e Gjykatës Kushtetuese nuk e kanë kaluar vetingun, sepse nuk u është bërë vetting. Vetëm njërës i është ndërprerë vetingu dhe nuk ka për të ju bërë veting fare”, tha Basir Çollaku
