Klodian Prenga është një nga arbitrat e rinj të kampionatit shqiptar, i cilësuar si një ndër ata më me prespektivë në vendin tonë.
Edhe këtë edicion futbollistik, ai ka qenë në një nga takimet e elitës duke gjykuar Egnatian me Erzenin.
Së fundmi, 34-vjeçari ka bërë një postim në rrjetet sociale ku tregon se ka marrë një detyrë të rëndësishme në karrierën e tij.
Jashtë futbollit, Prenga është bërë drejtor dege të një banke të nivelit të dytë në qytetin e Laçit.
“Jam i lumtur të ndaj që po filloj një pozicion të ri si Drejtor Dege në OTP Bank Laç!”, shkruan Prenga në facebook-un e tij.
