Moderatorja Luana Vjollca ka folur edhe mbrëmjen e djeshme në nisje të emisionit të saj “Love Island” në lidhje me videon erotike që po qarkullon mes telefonave të qytetarëve, ku sipas profesorit të kriminologjisë, Ervin Karamuço ka dalë nga bisedat në “Sky” të një personazhi në kërkim, pas zbërthimit nga ana e prokurorëve, dhe pretendohej se ishte Luana.
Luana u shpreh se jeta do të ishte më e bukur nëse nuk do të kishte shpifje, intriga dhe urrejtje dhe vendin e tyre do ta zinin dashuria, respekti dhe e vërteta, duke iu referuar aludimeve të asaj video.
“Sonte dua ta nis shumë shkurtimisht këtë mbrëmje. Imagjinoni të dashur miq ju që jeni këtu dhe ju që po na ndiqni se sa e bukur do të ishte kjo jetë, kjo botë nëse nuk do të kishte shpifje, nëse nuk do të kishte intriga nëse nuk do të kishte kaq shumë urrejtje dhe sa e bukur do të ishte nëse vendin e tyre do ta zinte dashuria, respekti dhe e vërteta”, është shprehur Luana.
Moderatorja ka reaguar edhe më herët në lidhje me atë video, pasi ka postuar një foto të saj në InstaStory, ku tregonte se nuk ka tatuazh në pjesën e gjoksit, ndryshe nga vajza që shfaqet në videon erotike, teksa ka reaguar ashpër lidhur me aludimet mbi ato pamje.
“Është e turpshme të hidhni baltë mbi jetën e një vajze, që për gjithçka ka sot, ka vendosur të zgjedhë rrugë tjetër në këtë jetë për t’ja dalë, rrugën e punës” – shkruante Luana sipër fotos.
Kujtojmë se Ervin Karamuço bëri disa deklarata të bujshme mbrëmjen e të premtes në emisionin Zonë e Lirë, ku deklaroi se prokurorët e SPAK, në bisedat në aplikacionin “Sky”, të një personazhi në kërkim kanë gjetur video erotike të dy vajzave të showbizit shqiptar, madje befasoi dhe më tej, kur tha se është zbuluar se ato paguheshin deri në 100 mijë euro nata. Sipas tij, kjo video po qarkullon në telefonat e gazetarëve dhe personazheve të tjerë.
Por, kjo deklaratë e Karamuços është rrëzuar nga gazetari i kronikës Artan Hoxha. Sipas këtij të fundit, në aplikacionin e kriptuar skyeCC, nuk mund të përdoret komunikim me video dhe se nuk mund të bënin transferim videosh nga një telefon në tjetrin. Së dyti, Hoxha shkruante se personazhi për të cilin aludohet është Ervis Martinaj, dhe sipas tij, zhdukja e tij po hetohet nga Prokuroria e Kurbinit dhe telefonat nga familjarët janë dorëzuar aty dhe s’ka si të dalin ato pamje nga prokurorët e SPAK.
