Armando Broja u rikthye në fushë pas plot 287 ditësh mungesë, për shkak të një dëmtimi të pësuar në dhjetor në një miqësore ndaj Aston Villës.
Në ndeshjen e të dielës ndaj këtyre të fundit, 22-vjeçari shqiptar luajti rreth 22 minuta, duke treguar se tashmë dëmtimi është një kujtim i hidhur.
Ndonëse ishte vetëm ndeshja e parë që pas dëmtimit, Broja pritet të aktivizohet shumë shpejt titullar, që në derbin ndaj Fulhamit i planifikuar për t’u luajtur të hënën e 2 tetorit.
Broja pritet të jetë një vlerë e shtuar edhe e Kombëtares shqiptare, e cila i ka të gjitha mundësitë për të qenë pjesëmarrëse e Kampionatit Europian që do të mbahet verën e ardhshme në Gjermani.
Në rast kualifikimi, sytë e Europës do të ishin edhe te Broja me faqen zyrtare të UEFAs që së fundmi ka rikujtuar golin e Armando Brojës përballë Hungarisë i shënuar në kualifikueset për Kupën e Botës “Qatar 2022”.
