Reshjet e shiut kanë shkaktuar probleme në rrethin e Bulqizës.
Pas ditëve me diell i gjithë qyteti dhe zonat përreth janë përfshirë nga reshjet e dendura të shiut gjatë paradites së sotme, të cilat kanë sjellë probleme në rrugët nacionale, ku ka patur rrëshkitje të gurëve dhe jo vetëm.
Kanë mjaftuar vetëm 30 minuta reshje të dendura të shiut, për të përmbytur pedonalen dhe rrugët brenda qytetit të Bulqizës, kjo për shkak edhe të bllokimit të pusetave.
