Një person është gjetur i pajetë në një kanal me ujë në Bulqizë.
80-vjeçari kishte disa ditë që ishte zhdukur nga banesa, ndërsa denoncimin në polici e bëri bashkëshortja e tij, e cila e kishte gjetur të vdekur në kanal. Nga të dhënat e para në trupin e V.S. nuk janë konstatuar shenja dhuna dhe se shkaku i vdekjes ka qenë mbytja.
Ndërkohë një grup hetimor po punon për zbardhjen e e rrethanave të ngjarjes.
Njoftimi i policisë
Rreth orës 17:30, salla operative e Komisariati të Policisë Bulqizë, është njoftuar nga F.S., 64 vjeçe, banuese në Bulqizë, se në vendin e quajtur “Gurët e Skënderbeut”, në kanalin e ujërave vaditës, fshati Vajkal, kishte gjetur të mbytur brenda në kanal bashkëshortin saj shtetasin V.S, 80 vjeç.
Në vendin e ngjarjes ka shkuar grupi dhe Eksperti mjeko-ligjor, ku gjatë këqyrjes paraprake të trupit të viktimës nuk u konstatuan shenja dhune, apo dëmtime nga ndonjë faktor tjetër. Dyshohet se vdekja ka ardhur nga mbytja në ujë.
V.S. ishte i shpallur në kërkim nga Drejtoria Vendore e Policisë Dibër, për “Largim nga Banesa”. Më 18 Mars, është paraqitur pranë Komisariatit të Policisë Bulqizë, F.S., ku ka bërë kallëzim se bashkëshorti i saj, V.S, është larguar nga banesa më 17 Mars dhe nga kërkimet e bëra, nuk ishte bërë e mundur gjetja e tij.
Materialet procedurale do ti referohen Prokurorisë pranë Gjykatës së Shkallës Parë Dibër si ngjarje aksidentale, njoftoi Policia.
