Një video e cila po bën xhiron e rrjetit tregon momente të paimagjinueshme dhune dhe bullizmi në një shkollë në Heraklion të Kretës.
Në mënyrë të veçantë, në videon e shfaqur nga Mega, shihet një vajzë 15-vjeçare duke goditur një 13-vjeçar teksa dy të mitur janë duke filmuar ngjarjen.
Sikur të mos mjaftonte kjo, shihen nxënësit duke e inkurajuar 15-vjeçaren që të vazhdojë dhunën.
Për rastin, prindërit e 13-vjeçarit kanë bërë padi ndaj familjes së 15-vjeçares, ndërsa kanë dhënë edhe deklaratën në polici.
15-vjeçarja e shtrëngon 13-vjeçarin në qafë, ndërsa e godet edhe në kokë. Dy personat që filmojnë qeshin me ngjarjen, ndërsa njëri kërkon që ajo të vazhdojë.
