Një person është ekzekutuar me armë zjarri mbrëmjen e sotme në fshatin Hot i Ri në Shkodër.
Viktima është Valter Fierza rreth 33 vjeç, banor i fshatit.
Në një njoftim për mediat, policia lokale bën me dije se krimi ka ndodhur rreth orës 21.48 “në rrethana ende të paqarta”. Autori po ashtu mbetet i paidentifikuar.
Burime policore thane se 33-vjeçari është gjetur i pajetë jashtë makinës së tij në rrugën afër kishës së fshatit nga familjarët, të cilët kanë lajmëruar policinë.
Grupi hetimor ndodhet në vendngjarje, ndërsa pika kontrolli janë ngritur nga uniformat blu.
