Deputeti i Partisë Demokratike Ervin Salianji, ka komentuar mbrëmjen e sotme zhvillimet e fundit rreth PD-së.
I ftuar në emisionin “Open” Salianji u shpreh kundër Lulzim Bashës, duke thënë se ky i fundit është i njollosur nga Shtetet e Bashkuara të Amerikës, për shkak se ka një çështje për financimin rus ende të pasqaruar.
Sipas tij Basha ka mishëruar vlerat e “putinizmit” me veprimet që ka kryer pas rikthimit në krye të Partisë Demokratike.
“Shqipëria dhe PD kanë nevojë që SHBA të jetë këtu edhe si garant dhe për ruajtjen e balancës mes pushteteve. SHBA ka dhënë kontribut pozitiv në të shkuarën dhe mendoj se duhet të jetë garanci e përhershme. Unë besoj te disa parime që SHBA i mishëron më shumë. Unë nuk i vendos përgjegjësi të tjerëve që kanë luajtur me ne. Nuk na e kanë fajin as SHBA, as BE.
Nëse ka një njeri më antiamerikan që mishëron vlerat e putinizmit, ai është Lulzim Basha. I vetmi njeri në këtë vend që ka akuzë nga shërbimet e SHBA për financim rus të pasqaruar”,– tha Salianji.
