Ish-ambasadorja amerikane në vendin tonë, Yuri Kim është takuar me kryeministrin Edi Rama në New York, ku po zhvillohet samiti i OKB-së.
Ka qenë Kim që ka ndarë një fotografi në rrjetet sociale me kreun e qeverisë.
“E lumtur të shihja kryeministrin Edi Rama në #UNGA78, ku ai kryesoi debatin e Këshillit të Sigurimit mbi pushtimin e Rusisë në #Ukrainë. Ne patëm gjithashtu mundësinë të diskutonim mënyrat për të forcuar marrëdhëniet SHBA-Shqipëri, mbështetjen e SHBA-së për rrugën e anëtarësimit të Shqipërisë në BE dhe bashkëpunimin tonë në NATO dhe në Këshillin e Sigurimit të OKB-së”, ka shkruar Yuri Kim, e cila ka shkuar në OKB në rolin e ndihmës sekretares se Departamentit Amerikan të Shtetit për Çështjet Evropiane dhe Euroaziatike.
Gjatë detyrës si ambasadore në vendin tonë, Yuri Kim ka mbajtur qëndrime konstante pro qeverisë dhe kryeministrit Edi Rama.
Pleased to see 🇦🇱 PM @ediramaal at #UNGA78, where he presided over Security Council debate on Russia’s invasion of #Ukraine. We also had the opportunity to discuss ways to strengthen 🇺🇸-🇦🇱 relations, 🇺🇸 support for Albania’s EU accession path, and our cooperation at NATO and on… pic.twitter.com/p55K7F2Frx
— Ambassador Yuri Kim (Acting Asst Sec) (@StateEUR) September 21, 2023
