Presidentja e Kosovës Vjosa Osmani ka takuar presidentin e SHBA-së, Joe Biden në New York, në kuadër të javës së Asamblesë së Përgjithshme të Kombeve të Bashkuara.
Osmani ka publikuar një fotografi me Biden, në të cilën janë edhe zonja e parë e SHBA-së, Jill Biden dhe bashkëshorti i Osmanit, Prindon Sadriu.
“Aleanca e lirisë. Aleanca e përjetshme”, shkroi Osmani në Facebook krahas fotos.
Osmani udhëtoi të dielën për në New York, ku pati takime me liderë botërorë e përfaqësues të organizatave ndërkombëtare në kuadër të javës së Asamblesë së Përgjithshme të Kombeve të Bashkuara. Më herët ajo zhvilloi takime me sekretarin amerikan të shtetit, Anthony Blinken dhe të dërguarin e BE për dialogu Kosovë-Serbi, Miroslav Lajçak.
