E ardhmja e Carlos Bacca-s është ende e paqartë, megjithatë, siç raporton e përditshmja spanjolle “Marca”, kolumbiani mund të kthehet në Milano.
Sulmuesi është i huazuar teVillereal në kampionatin spanjoll deri në qershor. Klubi iberik, siç raporton gazeta në fjalë nuk ka rënë dakord me drejtuesit e kuqezinjve për të drejtën e riblerjes të lojtarit për 18 milionë euro që ranë dakord verën e kaluar.
Megjithatë, përfaqësuesit e të dy klubeve në fjalë supozohet të takohen për të gjetur një zgjidhje për të vendosur një shifër më të vogël për kartonin e lojtarit.
31-vjeçari ka kontratë me gjigantët e Serie A deri në vitin 2020. Ai ka shënuar 12 gola këtë sezon, 9 prej tyre të realizuar në kampionat.
Bacca u bë pjesë e Milan në vitin 2015-të, më pas drejtuesit e klubit e huazuan në 2017-ën te Villareal, ku vazhdon të luajë edhe sot.
Në rast se nuk arrihet akordi për shitjen e tij, atëherë do të rikthehet në urdhrat e Gattusos në “San Siro”.
