Nga Basir Çollaku
U mbush vendi plot me tigra
Në qeveri
Në drejtësi
Në polici
Në ekonomi
Në medie
Nëpër banda dihet.
Jo vetëm në qeveri kishim tigrin Arben Ahmetaj, por edhe në drejtësi simbolet e të fortëve kanë përfaqësuesin e tyre. Kanë “Tigrin” që u mbaron punë bandave, por jo ai i qeverisë i njohur publikisht dhe në kërkim ndërkombëtar sot.
Nuk është as shaka as diversion. Në përgjimet e “Metamorfozës” të pandehurit thonë ndër të tjera për një vendimmarrje të vështirë, “…vetëm në foltë tigri me të..” lexohet në vendime kthjellët.
Ky hetim duket se ka regji të rreptë qeverie. Autoritetet partnere e kanë saktësuar kush është personazhi me këtë pseudonim. Ai është një funksionar i lartë i drejtësisë së re, që nuk është i vetmi, që përdoret nga grupet kriminale. Dyshimet e hetimit e gjejnë këtë “reformator” dhe si ndërmjetës të shpeshtë në çështjet e vetingut, të cilin dhe vetë e ka kaluar ndonëse ishte i fortpërfolur nga kombëtarë dhe ndërkombëtarë. Një tjetër funksionar i lartë i drejtësisë ështe në një tjetër dosje në një histori pazaresh që SPAKU ia “dhuroi” prokurorisë së Tiranës, për ta pushuar. Ka një presion të madh të qeverisë e pushtetit për të mos u hapur kjo pusetë, sepse ajo përmbys shumë emra të drejtësisë së re dhe punët e paligjshme që kanë kryer për qeverinë. Por edhe nëse flirtojnë me SPAK autoritetetet franceze, holandeze, kanë një alternativë B për ti bërë publike. Për procedurë, materialet kanë ardhur nëpërmjet Ministrisë së Drejtësisë, në formën e kërkuar nga ligji. Në këto fashikuj të cilat sa vinë e shtohen ka edhe kafshë të tjera të pyllit të Mafies si luanesha e sorkadhe të KPK e KPA, KLGJ, KLP, ILD, dhe ne katër nivelet e Gjyqsorit. Edi Rama shkatërroi dhe mori peng sistemin qe të mbronte veten dhe sulmonte kë të donte. Presim nga SPAK nëse do zbulojë përfshirjen e tigrit. Në të kundërt do të na e thonë francezët…Kjo histori është edhe dashuri në kohë vettingu.
