Mbledhja e përgjithshme e gjyqtarëve të Republikës së Shqipërisë, për të plotësuar tre vakancat në Këshillin e Lartë Gjyqësor do të zhvillohet më 9 tetor, ora 10:00.
Njoftimi është bërë i ditur nga zëvendëskryetari i Gjykatës së Lartë Sokol Sadushi, i cili bëri me dije gjithashtu se mbledhja do të zhvillohet në mjediset e Këshillit të Lartë Gjyqësor.
NJOFTIMI I PLOTË:
Bazuar në nenin 13 ligjit nr. 115/2016 “Për organet e qeverisjes së sistemit të drejtësisë”, Zëvendëskryetari i Gjykatës së Lartë Z. Sokol Sadushi, thërret Mbledhjen e Përgjithshme të gjyqtarëve të Republikës së Shqipërisë, në datë 09 Tetor 2023, ora 10.00. Mbledhja do t’i zhvillojë punimet në mjediset e Këshillit të Lartë Gjyqësor.
Gjykata e Lartë, më herët, ka publikuar listën e kandidatëve që do të marrin pjesën në garën për t’u zgjedhur anëtarë të Këshillit të Lartë Gjyqësor, për pozicionin vakant të 2 (dy) gjyqtarëve nga gjykatat e shkallës së parë dhe 1 (një) gjyqtari nga gjykatat e apelit.
