31-vjeçari Gëzim Avdiu, ndodhet aktualisht në dhomat e paraburgimit të komisariatit të Lezhës, pasi u filmua duke i dhënë hashash një djali të mitur.
Avdiu ka mohuar që të ketë kryer një veprim të tillë, teksa ka deklaruar se video është montazh.
“Nuk i kam dhënë asnjë të mituri lëndë narkotike për të konsumuar dhe videoja e dalë në tik-tok është montazh”.– kështu është shprehur 31-vjeçari para grupit hetimor.
Avdiu pritet të njihet me masën e sigurisë në gjykatë, ndërsa ndaj tij është ngritur akuza “Nxitja për përdorimin e drogës”.
Video e tij e cila u shpërnda po nga ai në rrjetin social ‘Tik tok’ u bë menjëherë virale. Duke parë që në video ishte një i mitur, Policia mori masa ndaj 31-vjeçarit, i cili edhe pse doli me zë dhe figurë në video, mohon që ta ketë kryer një veprim të tillë.
