Nënkryetari i OMONIA-s Jorgo Xhomaka tha se çështja Beleri do ndikojë negativisht në marrëdhëniet e vendit tonë me komunitetin evropian.
Xhomaka tha se edhe DASH kanë bërë deklarata që nuk e justifikojnë mbajtjen në burg të Belerit.
“Gjithë bota demokratike ndërkombëtare dhe ata që merren me çështjen e Belerit dhe marrëdhëniet e Shqipërisë me BE dhe Amerikën nuk janë të bindur se kjo është çështje ligjore ndaj herë pas here zyrtarë të lartë i bëjnë thirrje Ramës të mbajë një qëndrim të qartë lidhur me këtë çështje. Patjetër që drejtësia duhet të bëjë punën e saj po ne jemi të bindur, janë të bindur edhe ndërkombëtarët se ka ndikuar mënyra si e ka trajtuar këtë çështje Rama”, tha Xhomaka në një intervistë për Euronews Albania.
