Është liruar nga detyra e prefektit të Qarkut të Kukësit, Albert Halialj, pasi do të kandidojë për kreun e Bashkisë së Kukësit nën siglën e Partisë Sociliste në zgjedhjet e parakohshme lokale të 24 shtatorit.
Vendimi është marrë në mbledhjen e sotme të Këshillit të Ministrave, teksa në vend të Halilajt, prefekt i Qarkut të Kukësit është emëruar Granit Gjana. Ky i fundit mbante postin e nënkryetarit të Bashkisë së Kukësit.
Albert Halilaj ka qëndruar shumë pak në në detyrën e prefektit, pasi është emëruar më 19 korrik nga qeveria, siç duket me qëllim që më pas ta kandidojë për kryebashkiak.
Qyteteraët e Kukësit dp t’i drejtohen më 24 shtator kutive të votimit për të zgjedhur kryebashkiakun e ri, pas skandalit seksual të Safet Gjicit, tashmë i arrestuar nga SPAK. Dy kandidatët në garë janë Albert Halilaj i PS-së dhe Emri Vata i koalicionit “Bashkë Fitojmë”.
VENDIMI:
LIRIMIN DHE EMËRIMIN NË DETYRË TË PREFEKTIT TË QARKUT TË KUKËSIT
Në mbështetje të neneve 100 e 114 të Kushtetutës dhe të nenit 5, të ligjit nr.107/2016, “Për prefektin e qarkut”, me propozimin e ministrit të Brendshëm, Këshilli i Ministrave
V E N D O S I:
Albert Halilaj, prefekt i Qarkut të Kukësit, lirohet nga kjo detyrë.
Granit Gjana emërohet prefekt i Qarkut të Kukësit.
Ky vendim hyn në fuqi menjëherë dhe botohet në “Fletoren zyrtare”.
