Një 58-vjeçar është arrestuar pasditen e sotme në Lushnjë. 58-vjeçari ndezi zjarr për të djegur kabllo në mënyrë që të përftonte bakër, por për pasojë dogji shina të linjës hekurudhore të qytetit dhe sipërfaqe toke të mbjella.
“Pas marrjes së njoftimit për një zjarr në lagjen “Çlirimi”, shërbimet e Komisariatit të Policisë Lushnjë kanë shkuar menjëherë në vendngjarje dhe kanë bërë të mundur kapjen në flagrancë dhe vënien në pranga të autorit të këtij rasti, shtetasit I. H., 58 vjeç, banues në Lushnjë.
Shtetasi I. H. ka ndezur zjarr në afërsi të shinave të trenit, në lagjen “Çlirimi”, për të djegur disa kabllo, me qëllim përftimin e materialit të bakrit. Si pasojë e përhapjes së flakëve, janë djegur disa shina të linjës hekurudhore dhe sipërfaqe toke të mbjella, në pronësi të një shtetasi tjetër.“- njofton policia,
Materialet i kaluan prokurorisë për veprime të mëtejshme.
