Një zjarr i madh ka rënë në një sipërfaqe me ullishte dhe shkurre në fshatin Hambar të Fierit. Forcat zjarrfikëse dhe banorët e zonës po punojnë në terren për të shuar flakët, por era e fortë ka favorizuar përhapjen e shpejtë të flakëve. Për këtë arsye, ministria e Brendshme ka vënë në dispozicion edhe helikopterin Cougar për ndërhyrje nga ajri.
Deputeti i Partisë Demokratike, Luan Baçi, përmes një postimi në Facebook, ka publikuar edhe pamje nga flakët dhe ka bërë thirrje për ndihmë ndaj banorëve, pasi sipas tij, strukturat shtetërore nuk po reagojnë.
“Zjarri ne fshatin Hambar, NJ. V. Cakran bashkia Fier, po rrezikon shume rrenje ullinj, toka dhe me vone dhe vet, shtepite e banoreve! Asnje reagim nga strukturat pergjegjese te shtetit! Banoret kerkojne ndihme!”-shkruan Baçi.
