Kur duhen më pak se 5 orë nga nisja e ndeshjes tejet të rëndësishme për eliminatoret Euro 2024, Shqipëri-Poloni, me qindra apo mijëra tifozë nga të gjitha trojet shqiptare kanë arritur tashmë në Tiranë.
Në disa nga lokalet apo pikat ku janë vendosur tifozët e ardhur nga rrethet atmosfera është ndezur tashmë me këngët e tyre karakteristike.
Hyrja më e madhe e tifozëve kuqezi ka qenë në pikën e kalimit kufitar të Morinës, me mbështetësit nga Kosova që nisën rrugëtimin e tyre në numër mjaft të lart.
Të gjitha biletat në Arenën Kombëtare janë shitur dhe në stadium do të jenë 20 mijë tifozë në mbështetje të skuadrës kuqezi.
